هو انا ليه زهقان مخنوق؟

طعم الفرح مني مسروق



من كتر ما عن الراحة بحثت



مليت مشواري وتعبت



ونسيت على ايه دوّرت



واخيرا فجأة قررت



اكتفي بالفرجة على غيري



يمكن ألاقي اللي يسليني



أكيد شعورهم زي شعوري



واحساسي بكده هيرضيني



لكن فعلا أنا مستغرب



حاجة غريبة جدا بتحصل



ناس بتعاني قوي وتتعذب



بس لسانهم قادر يشكر



حالهم على أي حد يصعب



لا واحد شكى ولا غيره اتذمر



وبقيت من نفسي مكسوف



ازاي يكون في حياتي ايمان



وأقضيها في هم وخوف



وانسى ان الهي الحنان



أقوى من كل الظروف



وفي حضنه بس الآمان